მაკიაჟისთვის ცხოველებზე ტესტირების გარეშე

მას შემდეგ, რაც essence ბაზარზეა, კომპანიას არასოდეს ჩაუტარებია პროდუქტებისა თუ ინგრედიენტების ტესტირება ცხოველებზე, არც გერმანიაში და არც მსოფლიოს სხვა ქვეყნებში. ცხოველთა კეთილდღეობის საკითხი იმთავითვე საგულისხმო იყო ჩვენთვის. ჯერ კიდევ ევროკავშირში ოფიციალური აკრძალვის შემოღებამდე, ჩვენ ექსკლუზიურად ვაწარმოვებდით კოსმეტიკას ცხოველებზე ტესტირების გარეშე. essence - ნიშნავს “კოსმეტიკას სისასტიკეს გარეშე” და წარმოდგენილია PETA Germany eV-ის ოფიციალურ ჩამონათვალში, როგორც კოსმეტიკის მწარმოებელი, ცხოველებზე ტესტირების გარეშე.

ჩვენ არ გვინდა, რომ ცხოველებმა იტანჯებოდნენ მაკიაჟისადმი ჩვენი სიყვარულის გამო და ჩვენ მტკიცედ გვჯერა „სილამაზის სისასტიკის გარეშე“, რაც საბედნიეროდ ასევე კანონმდებლობით ევროკავშირის მოთხოვნაა. პროდუქტები ცხადია, რომ 100%-ით უსაფრთხო და კარგია!

ვინაიდან მაკიაჟის თემა ცხოველებზე ყოველგვარი ტესტირების გარეშე მნიშვნელოვანია როგორც ჩვენთვის, ასევე თქვენთვის, გვსურს მოგაწოდოთ ამომწურავი ინფორმაცია ამ რთულ თემაზე და ღიად ვუპასუხოთ თქვენს შეკითხვებს:

1. რას ამბობს კანონი „ცხოველებზე ტესტირებაზე“?

2004 წლიდან, არც ერთი კოსმეტიკური პროდუქტი, ტესტირებული ცხოველებზე, არ შეიძლება გაიყიდოს გერმანიასა და ევროკავშირის ქვეყნებში. სხვათა შორის, 1989 წლიდან გერმანიის კოსმეტიკური ინდუსტრია ნებაყოფლობით თავს იკავებს ცხოველებზე ტესტირებისგან. 2009 წლიდან აკრძალულია პროდუქტები, რომელთა ინგრედიენტებიც, კოსმეტიკური მიზნებისთვის, გამოცდილია ცხოველებზე. გარდამავალი პერიოდი დასრულდა 2013 წელს. ეს ნიშნავს, რომ კანონის თანახმად, გერმანიაში ნებისმიერი კოსმეტიკური პროდუქტი არ გადის ცხოველებზე ტესტირებას.

მაგრამ არსებობს არანაკლებ მნიშვნელოვანი ფაქტი. 2009 წლიდან ძალაში შევიდა ე.წ. REACH რეგულაცია (რეგისტრაცია, შეფასება & ქიმიური ნივთიერებების ავტორიზაცია) (регистрация, разрешение на оценку химических веществ). რეგულაცია ვრცელდება ყველა ქიმიურ ნივთიერებაზე. მოთხოვნის მიხედვით ყველა ქიმიური ინგრედიენტი უნდა იყოს უსაფრთხო, მიუხედავად იმისა ის კარგად ნაცნობია თუ სრულიად ახალი, სინთეზური თუ ბუნებრივი. მოცემულ შემთხვევაში, "უსაფრთხო" ნიშნავს, რომ მზა პროდუქტების გამოყენებისას, მათში შემავალი ინგრედიენტები არ გამოიწვევს რაიმე უარყოფით გავლენას ჯანმრთელობაზე. დღესდღეობით, კოსმეტიკური ინდუსტრია ცხოველებზე ტესტირების ნაცვლად, იყენებს ტესტირების ალტერნატიულ მეთოდებს. ალტერნატიული მეთოდები მოიცავს ლაბორატორიულ in vitro ტესტირებას. ეს შეიძლება იყოს ვეგანური ან არავეგანური. in vitro ლათინური სიტყვაა და ნიშნავს "მინაში".

ახლა დგება საკითხი, რომ ბევრი კოსმეტიკური ინგრედიენტი კოსმეტიკის გარდა სხვა მიზნებისთვისაც გამოიყენება. მაგალითად, ნუშის ზეთი ხშირად გამოიყენება კოსმეტიკაში, მაგრამ ის ასევე გამოიყენება ფარმაცევტულ ინდუსტრიაში კანონის მიხედვით, სამედიცინო ინგრედიენტების ტესტირება ცხოველებზე დაშვებულია და მეტიც, აუცილებელია, რათა დადასტურდეს მათი გამოყენების უსაფრთხოება ყოველ შემთხვევაში, თუ არ არსებობს ავტორიზებული ალტერნატიული ტესტი.

ასეთი ინგრედიენტები შეიძლება გამოყენებულ იქნას კოსმეტიკაშიც. მნიშვნელოვანია ის, რომ ინგრედიენტების ცხოველებზე ტესტირება კოსმეტიკური მიზნებისთვის აკრძალულია.

თუ ჯერ კიდევ თავბრუ არ დაგეხვათ, მეტი შეგიძლიათ წაიკითხოთ აქ: https://www.cosmeticseurope.eu/

2. როგორია essence-ის პოზიცია ცხოველებზე ტესტირებასთან დაკავშირებით?

essence-სთვის ცხოველებზე ტესტირება დაუშვებელია. ჩვენ არ ვაკეთებთ ამას და არ ვაძლებთ უფლებამოსილებას ვინმეს ამის გაკეთებაზე. არც გერმანიაში და არც მსოფლიოს სხვა ქვეყნებში არასოდეს გაგვიკეთებია და არც არასდროს გავაკეთებთ ჩვენს მომწოდებლებთან კონტრაქტებში ნათქვამია, რომ მათ უნდა აწარმოონ პროდუქტები ევროკავშირის კანონმდებლობის შესაბამისად, რაც გამორიცხავს ცხოველებზე ტესტირებას. ცხადია, რომ ეს ჩვენთვის ყოველთვის იყო ნებაყოფლობითი, რადგან ვიცით, რომ შეგვიძლია ვაწარმოოთ კარგი და უსაფრთხო პროდუქტები ცხოველებზე ტანჯვის მიყენების გარეშე. კოსმეტიკური ინდუსტრიაში, მრავალი წლის განმავლობაში გამოიყენება ალტერნატიული ტესტები, ნაცლად ცხოველებზე ტესტირებისა.

თუმცა, პრაქტიკულად შეუძლებელია იმის მტკიცება, რომ კოსმეტიკური პროდუქტი მიღებულია ცხოველებზე ტესტირების გარეშე ეს გამონაკლისის გარეშეა ამის მიზეზი ის არის, რომ შესაძლებელია ინგრედიენტები (როგორც უკვე აღინიშნა 1 კითხვაში), უკვე გამოცდილია ცხოველებზე სამედიცინო მიზნებისთვის. თუ არ არის ხელმისაწვდომი ალტერნატიული მეთოდი, მაშინ ფარმაცევტული ინდუსტრია უნდა დაეყრდნოს ცხოველებზე ტესტირებას. ასევე, სხვა კანონები ვრცელდება ევროკავშირის მიღმა ქვეყნების გამყიდველებზე. ასე რომ, შესაძლოა ინგრედიენტი გამოსცადეს ცხოველებზე მსოფლიოს რომელიმე ქვეყანაში, თუმცა (2013 წლიდან) არა კოსმეტიკური კომპანიისთვის, რომელიც თავის პროდუქტებს ევროპაში ყიდის.

3. ატარებს essence ნედლეულის ტესტირებას ცხოველებზე?

არა. 2009 წლიდან ეს აკრძალულია ევროპაში, თუმცა არც მანამდე ჩაგვიტარებია და არც დაგვიკვეთავს ცხოველებზე ტესტირება არც ჩვენი პროდუქციისთვის და არც ჩვენი ნედლეულისთვის. ჩვენ გვჯერა, რომ სილამაზე არ აუნდა იყოს მიზეზი ცხოველების წამებისა. ჩვენთვის წვდომადია ძალიან კარგი ინგრედიენტები ცხოველებზე ტესტირების გარეშეც კი.

4. მე წავიკითხე რამდენიმე ბლოგი, სადაც ამტკიცებენ, რომ essence ცხოველებზე ტესტირებას ახდენს. მართალია ეს? ან იქნებ წარსულში ახდენდით ტესტირებას ცხოველებზე?

არა. ჩვენ არასოდეს ჩაგვიტარებია და არც დაგვიკვეთავს ცხოველებზე ტესტირება. გთხოვთ, გადახედოთ 2 პუნქტს, სადაც განვმარტავთ, რას ფიქრობს essence მასზე!

5. არის თუ არა უსაფრთხო პროდუქტი, რომელიც არასოდეს გამოუცდიათ ცხოველებზე?

თქვენ არ უნდა ირელვოთ ამ საკითხზე ევროპაში! ქიმიური რეგულაცია მოითხოვს ყველა ინგრედიენტისთვის უსაფრთხოების სერტიფიკატს, ხოლო დამატებით გერმანიის პირადი ჰიგიენისა და სარეცხი საშუალებების სამრეწველო ასოციაცია (IKW) იმავე კითხვას შემდეგნაირად პასუხობს: “ბაზარზე გამოდის და იყიდება მხოლოდ ის პროდუქტები, რომელთა ინგრედიენტებიც ლიცენზირებულია ასეა ეს და ყოველთვის ასე იქნება“.

პროფესიონალები ადასტურებენ ჩვენი პროდუქციის უსაფრთხოებას. ასე რომ თქვენ შეგიძლიათ ისიამოვნოთ essence-ის პროდუქტებით!

6. შეუძლია essence-ს ინოვაციური პროდუქტების გამოშვება ცხოველებზე ტესტირების გარეშე?

Essence-ს ყოველთვის ჰქონდა ინოვაციური, ტრენდული პროდუქტები თუმცა არასდროს ჩაგვიტარებია ცხოველებზე ტესტირება! ჩვენ, ისევე როგორც დანარჩენი კოსმეტიკური ინდუსტრი მუდმივად ვმუშაობთ, რათა ალტერნატიული ტესტირების მეთოდების გამოყენებით შევაფასოთ ახალი ნედლეულის უსაფრთხოება გამოყენებისთვის. ასე რომ, ყოველთვის ელოდეთ უამრავ ახალ და გაუმჯობესებულ პროდუქტს essence-გან!

7. მიუხედავად იმისა, რომ ევროკავშირში აკრძალულია ცხოველებზე ტესტირება კოსმეტიკური მიზნებისთვის. გამიგია ისიც, რომ ახალი ინგრედიენტების ტესტირება უნდა მოხდეს ცხოველებზე. ეს მართალია?

უპირველეს ყოვლისა, ცხოველებზე ტესტირების აკრძალვა ეხება არა მხოლოდ მზა კოსმეტიკურ პროდუქტებს, არამედ მათში გამოყენებულ ნედლეულსაც, თუ ისინი გამოიყენება მხოლოდ კოსმეტიკისთვის! რადგან ყველა ინგრედიენტის ქიმიური უსაფრთხოება რეგულირდება კანონით ამიტომ კოსმეტიკური ინდუსტრია ცხოველებზე ტესტების ნაცვლად იყენებს ტესტირების ალტერნატიულ მეთოდებს. თუ ეს ალტერნატიული მეთოდები ვერ დაამტკიცებს, რომ ნივთიერება უსაფრთხოა, ის არ იქნება გამოყენებული.

მაგრამ თქვენ უნდა იცოდეთ, რომ ბევრი ნედლეული ასევე გამოიყენება ფარმაცევტულ წარმოებაში, მაგალითად. ვინაიდან მედიცინის უსაფრთხოება განსაკუთრებით მნიშვნელოვანია, აქ კანონმდებლობა სრულიად განსხვავებულია. ამ შემთხვევაში, ინგრედიენტების ტესტირება ხდება ცხოველებზე, თუ სხვა დამტკიცებული ალტერნატიული მეთოდები არ არის ხელმისაწვდომი. მიუხედავად იმისა, რომ ტესტირება არ ტარდება კოსმეტიკური ინდუსტრიისთვის, შესაძლოა მოგვიანებით მათი გამოყენება მოხდეს კოსმეტიკის წარმოებაში.

8. თუ essence იყენებს ახალ ინგრედიენტებს, ცდით თუ არა მათ ცხოველებზე?

არა ევროკავშირის რეგულაციებით ეს 2009 წლიდან აკრძალულია. essence ნებაყოფლობით ყოველთვის თავს იკავებდა პროდუქტებისა და მათი ინგრედიენტების ცხოველებზე ტესტირებისგან. ჩვენ გვიყვარს სილამაზე, მაგრამ გვიყვარს ცხოველებიც! და ეს ჩვენთვის ახლო ურთიერთობაა.

9. cosnova კვლავ ეძებს ახალ ინგრედიენტებს?

Რა თქმა უნდა! ამაზე პასუხისმგებელია ჩვენი ინოვაციების გუნდი. ისინი იკვლევენ ბაზარზე არსებულ ყველა ახალ ინგრედიენტს, რომელიც უსაფრთხოა essence-ის კოსმეტიკაში გამოსაყენებლად. ყოველივე ამის შემდეგ, ჩვენ გვსურს გავუსწროთ ტენდენციებს, რაც გარანტია იმისა, რომ ჩვენს პროდუქტებს შეუძლიათ მეტის შეთავაზება!

10. რაც შეეხება essence-ის პროდუქტებს, რომლებიც იწარმოება ევროკავშირის გარეთ, მაგალითად, ჩინეთში. ცდით მათ ცხოველებზე?

არა, ჩვენ არც ამ პროდუქტების ტესტირებას ვატარებთ ცხოველებზე! პირვლი, რომ არ გვინდა და მეორე, რომ კანონმდებლობის გამო აქ პროდუქციას ვერ გავყიდით! ჩვენი მომწოდებლები უნდა დაემორჩილონ იმ ქვეყნის რეგულაციებს, სადაც პროდუქცია იყიდება. ევროკავშირის კანონმდებლობის მიხედვით აკრძალულია კოსმეტიკური პროდუქტებისა და მათი ინგრედიენტების ცხოველებზე ტესტირება. და რაღა თქმა უნდა, ჩვენ გავაფორმეთ დამატებითი ხელშეკრულებები ჩვენს მომწოდებლებთან.

ბოლო დრომდე ცხოველებზე ტესტირება სავალდებულო იყო ჩინეთში იმპორტირებული პროდუქტებისთვის.

ამიტომ, ჩვენ თავს ვიკავებდით ჩინეთის ბაზარზე ჩვენი პროდუქციის გაყიდვისაგან. ონლაინ გაყიდვები ჩინეთში არ ექვემდებარება აღნიშნულ რეგულაციას, ამიტომაც ჩვენი პროდუქციის შეძენა ონლაინ ხელმისაწვდომია. საბედნიეროდ, 2021 წელს მაღაზიებში გაყიდვების რეგულაციები ჩინეთში შეიცვალა მას შემდეგ ცხოველებზე ტესტირება სავალდებულო აღარ არის და შესაძლოა შეიცვალოს ტესტირების ალტერნატიული მეთოდებით.

11. შეგიძლიათ დაგვიდასტუროთ, რომ ევროპის გარეთ წარმოებული პროდუქტები არ არის ტესტირებული ცხოველებზე?

დიახ, შეგვიძლია და მეტიც, ჩვენ ამის იურიდიული ვალდებულება გვაქვს ჩვენი მომწოდებლები უნდა აკმაყოფილებდნენ მკაცრად კრიტერიუმებს და კანონით ვალდებულნი არიან აწარმოონ ევროკავშირის კანონმდებლობის შესაბამისად. სადაც ნათქვამია, რომ ცხოველებზე ტესტირება აკრძალულია. და როგორც აღვნიშნეთ, ჩვენ გავაფორმეთ დამატებითი შეთანხმებები ჩვენს მომწოდებლებთან, რომ ამაში დარწმუნებულები ვიყოთ.

*ევროკავშირის კანონმდებლობის შესაბამისად

** ნედლეულის დეფიციტის გამო, ჩვენ უნდა შევცვალოთ ვეგანური ინგრედიენტი კენკრის ცვილი Lash Princess False Lash Effect Mascara ფუტკრის ცვილით ( შეზღუდული დროით 2023 წლის მაისიდან).